1

Би можел да зборувам со неа дупејќи ко шило,

во великански стил и со арапска елоквенција,

но нељубезност таквото говорништво би било,

остроумност пред убавина е оцетна есенција.

Како на ангел се нејзините преубави веѓи,

но очите како од громот да го купиле сјајот;

до Пеколот води парадокс исткаен од преѓи

усукани од солзите на ангел избркан од Рајот.

2

Поарно не прашувајте ме што е причината

што смртна убавина бесмртен закон распукува.

Врзете ja во крпче оти причината е шината:

убавината со себе самата гревот си го искупува.

Доволна причина е, иако на неразумност наликува,

како што виножитото мечтите ни ги предизвикува.

3

Толку величествен маж сеуште мајка не родила:

да набрал нежна роза а боцка да не го погодила.

И на Мухамед Велики, неговата слава позлатена,

со непријатели меѓу пријателите беше платена,

круната света од чад на роднините му е заматена.

******

Оригиналот тука:

1
Еднаш остро се испокарав со жена ми дома
и излегов на плоштадот да си најдам мома,
и вечерта во мракот утеха ми беше дадена,
видов прекрасна девојка со вел забрадена,
најмив кочија и цела ноќ она ми се надена.
2
О, на плоштадот Алберт сладоста почна,
никогаш порано не сум бил таков кочан,
нејзините очи како дијаманти блескаа
дур моите бутови во нејзините плескаа.
Беше со кадрици за мерак, со опоен мирис,
цела ноќ моето величество ич не се смири,
мислев, додека се возевме околу Ламорна,
такви како неа и мртовци може да скорнат.
3
А кога јас веќе постанав и загубив волтажа,
за презимето ја прашав и она моето го кажа.
За лице да ѝ видам брзо велот ѝ го кренав
и што да ти видам – беше тоа мојата жена!
Како попарен наредив враќање во Ламорна
а таа за триумфално објаснување беше орна.
4
Рече дека ме намамила и молчела цело време,
дека смислила ваква шега да ни олесни бреме!
Е па арно де, реков, но ваквата шега има цена!
На враќање пак ќе те чукам, но како моја жена!
И штом се покажа волку итра и љубоморна,
ти ќе платиш за кружењето околу Ламорна 
Оригиналот тука:
https://en.wikipedia.org/wiki/Lamorna_(folk_song)

Видете го Корнвол:

https://www.youtube.com/watch?v=QjVbsJDfr00

1

Не ти дојдов, Мајко, како станат од кома,

за да ми ја миросаш отсечената дланка,

ниту за да те носам ко Помирителка дома

на браќата стрвни за буџетската банка.

2

Рацете мои откорнати ми се од рамења,

куќата раскуќена а браќата од век се колат,

се симнав  до моите најтемелни камења

барајќи си утешение од делбите што болат.

3

Едино кај Тебе, Царице на Небесата ширни,

без престан на мојот јазик се молат и за гости,

и месо не се јаде, не се лаже и сите се мирни

бидејќи веќе осум векови истрајно се пости.

4

И кога земјата и јазикот би ми ги збришале,

и да остане сал ова тло на кое стојам пленет,

знам, од човештината не сме се отпишале

и додека тебе те имаме, ќе ме има и мене.

Хиландар, 1976. година

Оригиналот:

M.Bećković

Bogorodica Trojeručica

Ja ti ne dođoh, brza pomoćnice,

Da bi mi otsečenu šaku zamirila,

Niti da te nosim kući, Svemoćnice,

Da bi zavađenu braću izmirila...

Iščupane su mi ruke iz ramena,

Kuća raskućena, a braća poklana,

Pa siđoh do svog najdonjeg kamena

Da sebe tražim, Majko sa tri dlana.

Jedino ovde, Carice Nebesa,

Na mom jeziku se moli bez zastanka,

I ne laže ništa, i ne jede mesa,

I osam vekova posti bez prestanka.

I kad bi mi zemlju i jezik zbrisali,

Sve, sem ove stope na kojoj sad stojim,

Znam: još se iz ljudi nismo ispisali,

A dok tebe ima da i ja postojim.

Hilandar 1976. godine