Потребителски вход

Запомни ме | Регистрация
моите песни - земјотресни :-)
Автор: lupcobocvarov Категория: Поезия
Прочетен: 343225 Постинги: 738 Коментари: 120
Постинги в блога от Март, 2011 г.
27.03.2011 22:57 - Црвлив сонет
  1 Од правливиот вител што во староста те подбра,
ќе те нараси споменот што на мене потсетува
а црвот на сомнежот дали кон мене беше добра,
миленце за грижата на совеста ќе ти заплетува. 2
Ќе пробаш како алиби младоста да ја вглавиш,
склона весело со мене-старецот да се шегува;
но на лажната љубов сама приговор ќе ставиш
оти од тоа јаболко црвот на садизмот излегува. 3
Но, не истерувај правда со вина, осуда и каење,
си имала среќа да остареам ама сеуште зелен
па твојата лага ја примив како од уплав баење
за црвот и во староста по стрв да ми е желен.
4 И не жалам што умов скомињавост ми го краси
тој повте зрел да умре но твојата лага го спаси.
Категория: Поезия
Прочетен: 264 Коментари: 0 Гласове: 1
Мој препев на еден сонет од српскиот поет
БРАНКО МИЉКОВИЌ 


Сонет за птицата

 Од камен џитосан постана пиле

и зеница на слепо небо живна

со малку живот ваистину вивнат

од бескрилни рамења што се свиле.

 

О чудна птицо со луда намена:

на пусто небо земјата да лета,

како бел копнеж, на ветрот мета -

чујна и несфатливо пламена!

 

Птицо закована на ѕид и во ум,

невидена а чуена само како шум

за слухот на просторот да се чуди;

 

во моето уво твојта смрт ќе зачне,

ноќта нарикача по тебе ќе плаче -

со солзи од ѕвезди, врели и луди.

————–

Еве го оригиналот:

Испили се из баченог камена
и буде зеница неба ослепелог,
мало живота збиља полетелог
с наших бескрилних погнутих рамена.


О чудна птица чија намена
да буде лет земље и песма опустелог
неба, која се чује ал не схвата. О, бело
удварање ветра тој птици од пламена.


Птицо узидана у мозак и зид
коју никад није упознао вид
коју је слух нашо у просторима шумним,


у нашем уху твоја се смрт заче.
О камена птицо нек те ноћ оплаче
звездама врелим звездама неразумним.

Категория: Поезия
Прочетен: 228 Коментари: 0 Гласове: 0
Последна промяна: 26.03.2011 20:00
  Одамна сме далеку од робот како главен извор на енергија за покренување на работните машини што, во основа, се речиси истите оние што и денес масовно ги користиме – пумпи, мелници, возила. Елиминирањето на ропството и ропскиот труд коинцидираше со индустриската револуција која како енергетски извор ја откри струјата, таа блескава невеста што со стиснување на обично копче, моќно меша со  колковите доведувајќи го човештвото до дотогаш незамисливи оргазмички задоволства.
Почитуваниот професор д-р Љубислав Цветковски, наш еминентен претставник во научниот џет-сет на планетава, со разбирлив пиетет ја цитирал мислата на досега најголемиот пронаоѓач, Никола Тесла, која гласи:“Не мислам дека постои поголема возбуда што поминува низ човечкото срце, од чувството кога пронаоѓачот гледа како неговите креации од мозокот се претвораат во успех … Таквите емоции прават човек да заборави на храна, спиење, пријатели, љубов, се`.“
И покрај докажаната способност и најситните детали на сите свои машини да ги направи без претходни нацрти, сметам дека Никола Тесла не  обмислил докрај каде со своите пронајдоци го насочува човештвото.
Имено, да можел да се замисли дека сам ноќе, в кревет и угол-гол, без да се пипне со рака, само со мисловна концентрација, на дента случајно сретнатата непозната секси девојка щ ги залапал цицките и щ го начукал до коренот, – предизвикајќи така врз себе реален метар и пол висок ејакулативен спермоскок од милион маченици – тогаш Никола Тесла ќе сфател дека залудно си ги ампутирал ташаците бидејќи светов не го крепи сета струја и научните креации туку инстиктивната машка желба своите маченици да ги удави во длабочината на женскиот извор, со надеж дека барем еден од нив по 9 месеци оттаму ќе излезе како светец или светица.
Се смета дека скротувањето на наизменичната струја е најголемиот Теслин пронајдок што е темел за широкоспектарниот технолошки напредок и неспорна основа за животниот стил на огромното мнозинство луѓе денес во светот.
Јас мислам дека е тоа всушност најголемата грешка која човештвото ја направило во изборот на развојниот правец и таа грешка ќе биде платена со пропаст.
Наизменичната струја овозможи создавање на машини подвижувани од електромотори со огромна сила, применливи за унапредување и развој на технолошките процеси во сите гранки на индустријата.
На капитализмот, како несомнено природен и ефикасен систем за прикриена експлоатација на трудот на човекот од друг човек, струјата му стана федер-трамбулина од која тој скокна и денес сеуште лета угоре како горд пердуф, лелеејќи на благопријатните високи профитни струења кои, седнат на колку-толку удобната клупа, со дебилно зазјапана восхитеност оздола ги генерира Форест Гампот на работничката класа.
Природната човекова способност флексибилно да се посвети на разнородни дејствија лесно преминувајќи од едно кон друго,капиталот ја спрегна во јаремот на регулаторната микроелектроника, овозможувајќи си така во фабриките еден вол да управува со голем број машини истовремено.
Така се создаде постојан раст на глад за струја, што се задоволува со градба на хидроелектрани, термоелектрани и електрани на атомска фисија.
Застрашувачките последици од сите тие мегаломански инжинериски мудрости врз човековата околина веќе сме ги искусиле.
Еднонасочната струја, произведувана од динамо-машина, е првата употреблива струја ама стана слугинка на наизменичната струја, особено откако со едноставна трансформација и складирање во акумулатори и батерии, наизменичната струја е речиси бесплатен извор за еднонасочна струја нужна за функционирање на микроелектрониката.
Наизменичната струја драстично го промени животниот стил  на луѓето. И ноќта стана ден а главна е фабрички произведената храна што заради подолготрајност, масовно е клукана со канцерогени хемикалии.
Човечките живеалишта, од нормално потребно засолниште пред ветрот, дождот и студот, се претворија во инкубатори за изведување вообразени мисири и мисирки со кои, преку ТВ и интернетот, капиталистите успешно манипулираат претставувајќи го светот на консумеризмот како отсекогаш пожелуваната нирвана.
Во модерното општество е заборавено дека човечкиот физички труд во антиката бил главен но и доволен енергетски извор.
Денес веќе никој не помни дека човечкото тело отсекогаш било и денес може да биде постојано активна, подвижна, самопрограмибилна и самоодржлива енергетска централа загреана на 37 степени која органската материја од храната ја трансформира во топлинска и механичка енергија.
Тоа значи дека во човекот како креација генетски е вграден принципот на самодоволност кој се поткрепува со способноста за прилагодливост кон надворешните услови.
А денес, за профит алчните капиталисти владеат така што предизвикуваат нелогична состојба: колку повеќе луѓе ќе има, толку поголем да биде недостигот на енергија.
Тоа само значи дека човечкиот организам како извор на енергија е сосема запоставен а преку струјата што го заменува, остварена е зависност на мноштвото луѓе од малцинството капиталисти кои се сопственици на енергетските извори.
Па така, ако понекогаш се почувствувате како во беспаќе и како некој дивјак да ви го спопикал – знајте дека сте во Теслиниот ќорсокак.

 

This entry was posted on март 16, 2011 at 3:56 pm and is filed under филозофија. . You can follow any responses to this entry through the RSS 2.0 feed. You can leave a response, or trackback from your own site. Edit this entry.

No Responses to “ТЕСЛИН ЌОРСОКАК”
  1.   LupcoBocvarov Says: 
    март 16th, 2011 at 3:58 pm

    quilty,
    ти си агентот Смит од “Матрикс“ image
    Во однос на околинта, секоја раса е паразит, не може поинаку.
    Мене ме загрижува тоа што заради ориентацијата кон профит се форсира високопродуктивно машинско производство кое постојано го зголемува јазот помеѓу богатото малцинство и сиромашното мнозинство кое е манипулирано и преку енергијата перфидно се држи во зависност па нашата раса ќе се уништи самата со катастрофални внатрешни сукоби, а веројатно со себе во пропаст ќе ја повлече сета планета.
    Професоре Меанџи,
    мојот пост е само рефлексија на твојот цитат од Тесла и поентата ми е дека од врвните достигнувања на гениите ништо добро не испаѓа бидејќи они се чудовишта кои се, по правило, над обичноста на животот и со мисли вперени далеку надвор од нашава планета, што при сознание дека најблиската ѕвезда до нашево Сонце е 4,4 светлосни години оддалечена, таквите размислувања ги прави очигледно налудничави бидејќи вселенски патувања во разумен рок колку што трае еден човечки живот се невозможни.
    Светот и сега одлично може и информатички да функционира само со еднонасочната струја – сите компјутери и други високофреквентни уреди за комуникација работат на таа струја, нели, се` е на батерии и на 12 волти максимум.
    Која е разликата?
    Заради речиси целосната загуба, таквата струја не може да се пренесува на далечина, што значи дека нејзиното производство мора да биде атомизирано, секој град и село да имаат своја динамо-електрана.
    Тоа автоматски прави секој град па и село да се стреми да биде независно од другите места и во поглед на задоволувањето на останатите човекови потреби – храна, облека и др.
    Атомизацијата го уништува капитализмот во мегаломанскиот консумеристички поим и производството ќе се сведе на она што е навистина битно и неопходно за здрав опстанок на човекот како врста.
    Колку за да ми работат моите два комјутера и за осветление, мене не ми треба трофазната наизменична струја на Тесла, доволно е на обичен велосипед да инсталирам малку поголемо динамо и така секој ден произведената струја да ја складирам во акумулаторот.
    Земјата не е арамија – со денес достигнатите технологии, секое место може да произведе доволно секаква храна создавајќи вештачки микроклиматски услови(најголеми приноси во земјоделието се постигнати кога растенијата се одгледувани во саксии).
    Сето тоа на политички план ќе има за последица развој на локалната самоуправа на ниво достојно за здрав комплексен духовен и физички развој на популацијата, која поради својата локална независност не може да биде манипулирана од устоличените патриот-спасители на државно ниво кои денес се претворени во аждаја која секој ден голта по едно село за појадок и два града за ручок и вечера.
    Јас Тесла не го омаловажувам – гревота е, благо речено,човекот си бил табиетлија.
    А не гледам што без него би било трагично ако биде и така како што велиш за ашовот и нивата, иако веќе покажав дека ќе биде нешто како кај Амишите, ама со Интернет и ТВ image

    Катике,
    не сум можел да заборавам бидејќи порив е се` на овој свет – и грешката не е кај поривџиите туку кај оние кои печалат пари со манипулацијата на другите дека тој порив е патот до нирваната.
    Мислам дека површно си размислила за пораката на мојот пост – се работи за животниот стил кој очигледно води кон пропаст.Пошироко објаснив погоре, на професорот Меанџи.

  2.   Katika Says: 
    март 16th, 2011 at 3:58 pm

    Па пронајдоците на Тесла за него биле неговиот секс. И не измислил он ништо за никого, порив е тоа Бочваров ако си заборавил. Тесла секако не размислувал да измисли машина за перење садови и да им помогне на домаќинките низ цел свет, некој друг го направил тоа за него. Да беше таков ко што го опишуваш ќе умреше богат,а не сиромашен,сам и заборавен.Тесла си ја завршил својата мисија,таман работа Тесла да ти е крив што некој дивјак ти го спопикал, а ти така едно чувство беспаќе ли е што ли е…

  3.   Меанџи Says: 
    март 16th, 2011 at 3:58 pm

    Бочваров поздрав, се сложувам со твојов пост и покрај тоа што е во спротивност со мојот… Сепак моето беше еден вид на пародија. Нормално дека светов е погрешно насочен движејќи се во материјална насока, наместо во спиритуална… Имам само една забелешка, а тоа е твоето омаловажување на Никола Тесла. Факт е дека да не беше он, уште ќе бевме со ашовот на нива и ќе се радувавме на секој стигнат абер од соседното село. каков и да е

  4.   LupcoBocvarov Says: 
    март 16th, 2011 at 3:58 pm

    Која жена може да ја разбере метафората дека наизменичната струја е узда со долги дизгини за капиталистичка контрола на развојот на човековата слобода?
    На жена само објаснувај и`дека еволутивниот развој на куровите и тестисите е заробен во кутоните – тоа за неа е така опиплива тематика image

  5.   LupcoBocvarov Says: 
    март 16th, 2011 at 3:58 pm

    Жалам за трагичната судбина на бугарските туристи кои загинаа во бродската несреќа во Охридското езеро, јака им душа на нивните родители, браќа, сестри – им изразувам сочувство во болката.

    Инаку, јас и вчера и денес го испочитував мојот закон и извежбав по еден саат па дури потоа почнав да јадам.
    Од 1.1.2009 год. наваму не сум пропуштил ниту еден ден без вежбање.

  6.   LupcoBocvarov Says: 
    март 16th, 2011 at 3:58 pm

    Во мојава глава имам Холивуд.
    Во Калифорнија беснеат пожари.
    Ако случајно изгори тамошниот Холивуд, на Американците ќе им го понудам мојот Холивуд.
    Парите од продажбата ќе ги дадам во Буџетот на Република Македонија, за полесно надминување на економската криза.
    ————
    Ова е валкан капиталистички трик за да ве намамам бесплатно да ми коментирате image

  7.   Quilty Says: 
    март 16th, 2011 at 3:58 pm

    Балансот на примена енергија (духовна и обична храна и инстиктивни потреби) со онаа дадена (физички и ментален труд) одамна е срушен. Сите сме паразити овдека. Човечката раса е паразит. Јас сум паразит, порано сакав да се променам, но веќе сум во поодмината фаза на метаморфоза. Чекам да се прероди од мене уште погрозна, уште поштетна и уште подебела тенија…и да бидам искрен, самозадоволен сум така, што сум го исполнил најголемиот квалитет на човекот, да го приспособи домаќинот и околината на своите потреби.
    Убав пост.

  8.   Меанџи Says: 
    март 16th, 2011 at 3:58 pm

    Па една од предностите на двонасочната струја е што може да се пренесува на поголеми далечини… за разлика од еднонасочната.
    А не би се согласил дека компјутерите работат на еднонасочна.. ОК, батериите продуцитаат еднонасочна, но таа после се претвора во двонасочна на многу висока фрекфренција која ја користи процесорот за пресметки.. Самиот збор фрекфренција значи дека се работи за осцилации, односно наизменична струја. Со еднонасочна струја процесорот не е во состојба да пресмета ниту една информација! (му требаат минимум 4 циклуси за пресметка на еден бит).

    А во право си дека човекот не треба да се стреми кон освојување на вселената, ѕвезди и што знам друго.. секогаш најдобро е на матичната планета, зошто по нејзини правила сме создавани:) не за џабе Артур Кларк ја напишал Одисеја 2001 со таква тематика:P поздрав

  9.   LupcoBocvarov Says: 
    март 16th, 2011 at 3:58 pm

    Добро, професоре, јас во работата на процесорите толку навнатре не пенетрирам – знам само докај матичната плоча – дека во неа има неколку конектори кои од напојувањето примаат еднонасочна струја која секој што сака, со два-три лесно набавливи уреди може самиот да си ја произведува.
    Наизменичната струја Тесла успеал да ја скроти, инаку и пред него таа била позната а другите научници на нејзиното проучување не работеле оти била опасна.
    Поентата е токму во фактот на преносливоста на струјата – јас наизменичната струја ја третирам како узда во устата на човештвото со која капиталистите со долги дизгини го управуваат неговиот животен стил.
    Кларк не толку ми се допаѓа, за мене Асимов е цар.

  10.   LupcoBocvarov Says: 
    март 16th, 2011 at 3:58 pm

    можда ќе те занима, онака, некои паралели

    тука

    поздрав
    (istoчna 7 Септември, 2009 – 13:24 | избриши | одговори)
    ==========
    Фала на поздравот, Источна, биди жива, здрава и весела.
    Линкот водеше кон страница што бровсерот не ја отвараше, па го скратив до разбирливата основа, оттаму може да се истражува, добар сајт е тоа.
    Твојот коментар го избришав и во редуцирана форма го ставив погоре бидејќи предолгиот линк ми ја ширеше страницата.

  11.   Pero Nakov B.B. Says: 
    март 16th, 2011 at 3:58 pm

    Не се криви пронаоѓачите, криви се корисниците.
    1.Германија извезува пиво – вода у стаклено шише – во Америка. Ќе потрошиш сто пати повеќе енергија за транспорт од колку да го направиш и пивото и шишето.
    2.Глеам на една реклама транспортираат Мерцедеси за купувачи од Сауди Арабија со авиони!
    Кои преверзии!

  12.   LupcoBocvarov Says: 
    март 16th, 2011 at 3:58 pm

    Прв корисник на секој пронајдок е капиталистот и негова цел е профитот.
    Нека не те чудат Арапите од Сауди Арабија – они сега почнаа да ја градат најголемата рафинерија за нафта досега проектирана и потоа наместо танкери со нафта, ќе извезуваат танкери со бензин.

Категория: Технологии
Прочетен: 553 Коментари: 0 Гласове: 0
    Ова е мој препев на Бесмртната песна на великиот српски поет Мирослав Антиќ  (1932 – 1986)

 

Бесмртна песна
I
1
Ако ти јават: не сум веќе жив,
а сум ти бил личност драга,
тогаш тебе ќе те јавне тага
ќе те актиса ударот сив -
на трепки маглеста влага,
на усните пепелава трага.
Дали некогаш мисла ти дивее
што значи тоа да се живее?
2
Како снег во дланката топла
детските денови твои копнат.
Таги? Зар воопшто има таги?
Грижи? Зар од нив има траги?
Та, мечтата со цврсти скали зрачи
за храбро во младоста да се качиш.
Таму ќе те просее најубавото сито -
лукавото намигнувачко виножито!
3
И живеј! Живеј како ти да си сите!
Не грицкај си ги како глувче дните!
Лакомо џвакај го воздухот, нема спици,
престигнувај го ветерот и сите птици.
Бидејќи секоја вечност кратко ни трае,
ако нагло оклештен в огледало зјаеш
тоа е ко самиот пред себе да трчкаш
и затоа лицето гарант ќе ти се збрчка.
4
Одеднаш, глеј, зад агол некој ползат
дебначи што в око ти калемат солза.
На прсти стигнуваат неволјите диви,
годините губат боја, стануваат сиви.
Одеднаш, дур` в чекорот си внесен,
светот сй повеќе ти станува тесен
а насмевката од молк ти е здивена
и сй потивка, гувее искривена.
5
Затоа живеј, ама сосема, комплетно!
И јас така живеев и не беше штетно!
За само половина од еден век
столетија обиколив, сй на штрек!
Признавам, напати шекнат станав
зашто ме водеше опачната страна.
Ама никогаш не се трткав во место,
вечно одев, патот ми беше престол.
6
Биди мајстор на предачката сорта,
со позлатен конец од твојата аорта
сошиј ги местата што се просенати
оти од нив треперат чудења свенати.
И, како збогување и плашење диво,
никогаш не го замислувај овој живот,
туку будење дека е и почеток свечен
што ти го примаш со постојан пречек.
II
7
А тогаш, размисли веќе сериозно,
што значи тоа мртов да отидеш.
И каде човекот исчезнува грозно.
И кој е тој чиј засекогаш ќе бидеш.
На гробиштата немој да одиш.
Нема таму нешто да се сфати.
Гробиштата се панаѓурски згоди,
ко за тажен театар да си платил.
8
Кога го разигруваш својот немир
за и во безобличја да го слушнеш,
зар не е тоа ко да си се спремил
во нов слој на умот да се мушнеш?
Скришум да повлечеш едно резе
за преку нова дилема да влезеш
и во соседната иднина да зајдеш?
Ќе ти објаснам, ако таму ме најдеш.
9
Ако се одважиш на таа крачка
знаеш ли што ќе ти сторам?
Ќе ја расипам твојата играчка
што се вика болка и мтра.
Не те лажам, само измислувам пат
до она кое мора да е вистина стара,
само што сеуште не ти е на дофат
затоа што досега не си ја ни барал.
10
Запомни дека со додаток од мечта
стварноста пореално се разгорува.
По молкот познај ме, не по речта.
Вечниот нема потреба да зборува.
Да ја надмудриш мудроста и ти,
нека слушањето цари во тебе.
Големите одговори, иако скрити,
ќе ти се отвораат сами од себе.
11
Сфати и нека не ти биде криво
што по безброј летови и раѓања,
по дребнави умирања и паѓања,
тоа што си дишел па и не е живот.
Навистина, намини докај мене,
од светлоста да примиш допир,
во вечноста таа ќе те крене,
како мисла што ќе нема сопир.
12
И во најдалечната иднина се внушува
корен на нејзината иднина во часот
кога и таа самата во себе го заслушува
на својата сопствена иднина гласот.
И во светов празни светови нема.
Она, за кое не сме свесни е бездна,
не е непостоење како наша тема,
туку реално постоење ама без нас.
III
13
Ако ти јават: веќе ме нема
еве каква ќе видиш шема:
сто шарени рипки во мојте очи
ќе впловат за да најдат почин.
И земјата ко јатак ќе ме скрие
а пиреј корен во мене ќе свие.
И во таа доба јас ќе сетам
дека високо, високо летам.
14
А граници нема вишното небе,
битно е колку моментот има сила.
Ќе едрам во изгревите над тебе,
низ ветерот лизгав како свила.
Со убавината на крилја невидливи
обзорите ќе ти ги распретувам,
и скици на времиња предвидливи,
и глетки што иднината заплетува.
15
И нема тука што многу да се таи,
вистината надалеку веќе се чула:
сам на себе висам на златен каиш
ко нишало што во бескрај се лула.
Просторот е брзина на мојот разум
што се одвиткува станувајќи Нова.
Ќе лебдам во место и без казус,
во разбојот на времето ќе се сновам.
16
За споредното – одмор ќе си земам,
како галактичките јата после саем,
што сраснале со пулсирачка шема,
која во пазувите, скокотлива им трае.
За споредното – одмор ќе си терам,
како огромните шуми што дрочат,
сраснати со гранките од иста вера,
во густи прегратки ко зелена плоча.
17
За споредното – ќе си одморам уста,
ко огромните птици над подот зелен,
чии крилја сраснале во преѓа густа
и со неа на небото ќулавка му сплеле.
За споредното – одмори ми следуваат,
како на огромните љубови од бајки,
што сраснале со усните и медуваат,
уште кога и немале копнежни мајки.
18
Коленото мое, мојата рака,
главата моја – зар ќе сака
да биде во некое утре
за потсмев и пеза
корен на бреза
и дувло на слепо кутре?
Дека некоја мала тајна и трепетлив страв,
може да станат тишина, темнина и прав?
19
Знаеш, навистина од ѕвездите слетав,
од светлина целиот сум слиен.
Ништо во мене нема да претрпи штета,
да се угаси ниту да се скрие.
Само што, обично во случајна зора,
на своето далечно сонце што ме чека,
да ги вратам моите златни очи мора,
зашто утеха сум негова и негов лекар.
20
За сй што помислувам следи казна
а камоли пак за она што го правам,
за нежноста дека не остана празна,
главна осомничена е мојата глава.
А и пресуда правосилна ме стаса
зашто постапувам поинаку и диво;
никогаш љубов со омраза не гасам
а и на мртвото му признавам живот.
21
Порти има на рабовите на бескрајното
и побескрајното започнува со нив.
Кој умее да трае повеќе од потрајното,
за кратки знаења не ни сонил.
Прашањето: како да се преживее
не давај никогаш да те измачува;
едино е важно да се научи и умее
после сите умирања да се зачуваш.
IV
22
Ако ти јават: сум умрел, не се грижи,
секое столетие случај дари
кога некој настојува да ме зближи
со луѓето уморни и стари.
Никаде толку луѓе и чудна прилика
во еден човек да блештат.
Никаде толку поинаквото не блика
како во еднаквите нешта.
23
Ако на просторот му расчепкаш рамења,
ќе ме ископаш како темел на ветерот.
Ме има во водата, во мовлестите камења,
и во секој самрак и зора јас сум етерот.
Како човек, да се биде повеќекратен,
не значи дека ќе се расчовечуваш.
Јас на сенешто сум делител златен
а токму тоа пропаста ја спречува.
24
А тие чудесни состојби се сите
мои обновувања за да нема молк,
и не се друго туку само вител,
шмукач едноличен, упорен и долг.
Пророштвата дали знаеш што се?
Калапи на поранешна сторија дива
и задуф на истоста, мачно носен,
што себе самиот во круг се свива.
25
Па зошто со збогувања да се фалиме?
Има ли нешто вредно за да жалиме?
Дека сум умрел, ако сигурно ти јават,
ти знаеш – не умеам тоа да го правам!
Љубовта, за која целиот живот пишував,
единствениот воздух е што го вдишував.
А мирот наш насмевката едино го пази,
на светов единствениот разбирлив јазик.
26
На оваа земја толку талкам
да ти намигнувам вешто,
по мене смеа да се валка
и од мене да остане нешто.
И затоа толку многу сакам
и толку ти бркам јад и тага
да ме имаш, но не ко мака
туку како будалетинка драга.
27
А кога наспроти денот сив
погледот по небо ти шета
притаено скроти си здив
зашто и покрај веста клета
штом видиш некоја комета
намигни щ со кикот див -
јас сеуште ќе бидам жив
и во неа по небо ќе летам.
—————-
Оригиналот на песната ТУКА

Категория: Поезия
Прочетен: 839 Коментари: 0 Гласове: 0
Последна промяна: 07.03.2011 16:56
    Ваков ќе биде насловниот капак:

image
Во книгата ќе ги сместам сите мои фраерски препеви.
Ќе уфрлам и едно CD на кое јас ќе ги читам препевите.
А може и едно видео да турам да се види како вежбам.
Ова ми е план за 2011 година.
Имам речиси сй, само уште пари ми требаат image

Категория: Поезия
Прочетен: 286 Коментари: 0 Гласове: 2
Последна промяна: 01.03.2011 22:50
Търсене

За този блог
Автор: lupcobocvarov
Категория: Поезия
Прочетен: 343225
Постинги: 738
Коментари: 120
Гласове: 491