моите песни - земјотресни :-)
Постинги в блога от Юли, 2011 г.
30.07.2011 15:08 -
Гулаб со прстен
1
На поетесата ѝ беше многу мило ем драго
што во нејзиното срце, на ѓон, влетал гулаб,
се спрепнал, со нокти зацепувајќи го прагот,
но не смртно, сал за болката да не е на нула.
2
Таа не сакала да му ги воспева атрибутите,
само трагала по необични кованици и рими
на кои ќе им ги наглави уздите и амутите,
за читателот со восхитеност да ги прими.
3
И додека за кованиците некако и се снашла,
бегале од неа ко диви коњи римите злобни,
што песната ја задавувало, ритамот кашлал,
а тоа за публиката не е баш пријатен зобник.
4
Но, сето тоа поетесата наша ич не ја слудило -
зашто венчален прстен гулапчето ѝ понудило.
26.07.2011 12:25 -
Мрестилиште на јадот
1
Која ли луда мува го наплука овој цветен свет
и мирот скаменет го претвори во акушерство,
за црвот еднакво како и за суперчовекот клет,
за смеата исто како и за политичкото ѕверство.
2
Мрестилиште на јад и немилост еден кон друг
стана редот од хаосот да се опстане непремено;
и луѓето станаа хиени што бесно вртат во круг
да откинат црвлив залак од мршата на денот.
3
За тепање друг, урокот го учиме уште од лулка,
со тропалки, кукли, мачиња, кучиња и топки;
и несреќно е да се вљубиш во поезија и булка
оти така нема да научиш како се ставаат сопки.
4
И ќе се најде рамно место за топка-шутирање,
тешко е да се најде мирно место за умирање.
Која ли луда мува го наплука овој цветен свет
и мирот скаменет го претвори во акушерство,
за црвот еднакво како и за суперчовекот клет,
за смеата исто како и за политичкото ѕверство.
2
Мрестилиште на јад и немилост еден кон друг
стана редот од хаосот да се опстане непремено;
и луѓето станаа хиени што бесно вртат во круг
да откинат црвлив залак од мршата на денот.
3
За тепање друг, урокот го учиме уште од лулка,
со тропалки, кукли, мачиња, кучиња и топки;
и несреќно е да се вљубиш во поезија и булка
оти така нема да научиш како се ставаат сопки.
4
И ќе се најде рамно место за топка-шутирање,
тешко е да се најде мирно место за умирање.
21.07.2011 12:42 -
Армирање на сенката
1
Не давај твојата сенка крај тебе да се влече
како безлиглив полжав без потпис што мине;
сакаш ли на скарата на заборавот да си печен
ќебап-залак за смртта кога по тебе ќе зине?
2
Секој од нас ќе доползи до завршната црта
низ изгреви и самраци, низ мразови и жеги;
и сетики си бил и клоцнат за да ти се вртат,
не те помилувал стисот на животните стеги.
3
Свиткај ја преѓата на твоите невољи и среќи
во клопчиња записи, за потомството мамки:
најдобрите приказни се од просенати вреќи
на кои некој ги прочитал Роршаховите дамки.
4
И овој сонет, што од старечката ука стенка,
еден ден ќе стане арматура на мојата сенка.
Не давај твојата сенка крај тебе да се влече
како безлиглив полжав без потпис што мине;
сакаш ли на скарата на заборавот да си печен
ќебап-залак за смртта кога по тебе ќе зине?
2
Секој од нас ќе доползи до завршната црта
низ изгреви и самраци, низ мразови и жеги;
и сетики си бил и клоцнат за да ти се вртат,
не те помилувал стисот на животните стеги.
3
Свиткај ја преѓата на твоите невољи и среќи
во клопчиња записи, за потомството мамки:
најдобрите приказни се од просенати вреќи
на кои некој ги прочитал Роршаховите дамки.
4
И овој сонет, што од старечката ука стенка,
еден ден ќе стане арматура на мојата сенка.
19.07.2011 14:45 -
Диоген
Јас во Диогеновиот животен стил гледам дефиниран образац за здрав и нестресен живот.
Не да се живее во буре, туку телото да се третира на начин како што секое животно го користи - тоа да се прилагоди на околните услови, а не да се вложува огромна енергија околните услови да се менуваат онака како телото намислило дека му е угодно.
Човекот избегал од својата животинска природа и затоа е во ќорсокакот на консумерскиот стил на живеење.
Треба да се користат придобивките на науката и технологијата за телото на човекот да се заштити од губење на топлината која тоа мора да ја одржува постојано преку дотур на храна.
Технолошки е изводливо човекот да живее исто како и животните, така и да се храни, а истовремено да ги ужива сите модерни технолошки придобивки во комуникациите.
Денес е технички изводливо секој поединец да биде самостоен комуникационен центар и цело време да биде интернетски поврзан со сите со кои тоа го сака, да одбира што ќе прима од мноштвото информации и ТВ и радио програми.
И сето тоа е можно да биде на неговото тело, без да му пречи во работата.
Ама, интересот на капиталистите не е тоа - они сакаат човек разгаќен, на куси ракави, во голема дневна соба, загревана или ладена, со екрани колку цел зид, со кујни и вештачка храна, со топла вода и сите други наводно удопства.
Така човекот се отуѓува од самиот себе и им робува на предметите, наместо тие нему.
Така човекот цело време проблемите ги бара и наоѓа и се обидува да ги реши во околината, наместо во себе.
Тоа е тенденција одамна, не е само во модерното време, и само се надава и расте.
Телото заслужува почит и грижа, првин преку храната, која треба да е природна, потоа преку хигиената и заштитата и вежбањето заради одржување на цврстината - телото треба да е бочва а не вреќа.
Здраво тело - тоа е 2/3 среќа - а на човека и тоа би требало да му е доста.
Џабе е сета среќа сфатена како удобност и пари ако на човек телото му откажува послушност.
Сите болести се од храната - човекот самиот се убива со нездравата исхрана.
А филозофирањето е фина разонода - во која секој паметен ќе дојде до Сократовиот заклучок: Знам дека ништо не знам.
Се` е лук и вода - сеедно е дали таа чорба некој ја осмислил или хаосот ја направил - нам не ни е дадено тоа да го откриеме или осознаеме.
18.07.2011 20:25 -
Зорле сонет
1
Решен да ловам метафора, заседнав во чкка
што Неруда ја сковал од четиринаесет штици;
не пребирав дали ќе е во жабецот што крека
или во парталавите соништа на барските птици.
2
И Бог помогна, според геометриска теорема
ги подреди облаците по хипотенуза и катети,
со крлук ги фати оние кон беља што стремат
а месечината ја разжари на шестка да свети.
3
Залудно посакував Неруда да ми биде квасец
па со вреќа моја завист во леб да го смешам:
секој повтеж за метафора ми побегна вџасен
по светот да раскажува колку многу грешам.
4
Зашто, метафори не се ловат со подло чекање,
тие се раѓаат само од многу смеа или лелекање.
Решен да ловам метафора, заседнав во чкка
што Неруда ја сковал од четиринаесет штици;
не пребирав дали ќе е во жабецот што крека
или во парталавите соништа на барските птици.
2
И Бог помогна, според геометриска теорема
ги подреди облаците по хипотенуза и катети,
со крлук ги фати оние кон беља што стремат
а месечината ја разжари на шестка да свети.
3
Залудно посакував Неруда да ми биде квасец
па со вреќа моја завист во леб да го смешам:
секој повтеж за метафора ми побегна вџасен
по светот да раскажува колку многу грешам.
4
Зашто, метафори не се ловат со подло чекање,
тие се раѓаат само од многу смеа или лелекање.
14.07.2011 14:40 -
Плишаното мече
1
Во пластичните очи на плишаните мечиња
приказна за огромни страдања е скаменета:
метеорот помислил дека патеките не чинат,
дека планетава за негово пикадо е наменета.
2
Осум години светот светлина не виде јасна
планетава трпеза од планини месести стана,
зеленилото сувиот брич на ветрот го згасна,
единствено мовта и габите останаа за храна.
3
Во секоја дупка планетава остана бремена,
а плодови води ѝ беа мрсна црна медовина
што ко стапица бесплодна беше спремена
човекот да ја наследи како своја дедовина.
4
Сепак, патоказ метафорен има во неа за смели -
нови диносауруси да бидат човековите пчели.
Во пластичните очи на плишаните мечиња
приказна за огромни страдања е скаменета:
метеорот помислил дека патеките не чинат,
дека планетава за негово пикадо е наменета.
2
Осум години светот светлина не виде јасна
планетава трпеза од планини месести стана,
зеленилото сувиот брич на ветрот го згасна,
единствено мовта и габите останаа за храна.
3
Во секоја дупка планетава остана бремена,
а плодови води ѝ беа мрсна црна медовина
што ко стапица бесплодна беше спремена
човекот да ја наследи како своја дедовина.
4
Сепак, патоказ метафорен има во неа за смели -
нови диносауруси да бидат човековите пчели.
13.07.2011 09:48 -
Димче од Црквино
1
Изненаден бев кога ме спасија сожалот и верата
на младинците кои од мали ги мавав како тапан:
паднат од дрво, ќофте, ме донеле во пештерата,
во реата на задниот дел да се кренам или скапам.
2
Се биеја шега со мене а сепак коски ќе ми фрлеа,
среќни, во лов денски заминуваа без мојот терор
оставајќи ги трудните женки што ноќе ги грлеа -
за да сум им ги чувал јас, “на ќопавоста ѕверот“.
3
Закрепнував, за инат на таа подбивна етикета,
пеев песни за сладоста на меѓуножната китка:
како таа своите ливчиња ќе ги шири за да лета
над вулканот мој што млечна лава ќе џитка.
4
И така, може од нектарот на китките не лизнав
ама оттогаш племето како прв поет ме призна.
на младинците кои од мали ги мавав како тапан:
паднат од дрво, ќофте, ме донеле во пештерата,
во реата на задниот дел да се кренам или скапам.
2
Се биеја шега со мене а сепак коски ќе ми фрлеа,
среќни, во лов денски заминуваа без мојот терор
оставајќи ги трудните женки што ноќе ги грлеа -
за да сум им ги чувал јас, “на ќопавоста ѕверот“.
3
Закрепнував, за инат на таа подбивна етикета,
пеев песни за сладоста на меѓуножната китка:
како таа своите ливчиња ќе ги шири за да лета
над вулканот мој што млечна лава ќе џитка.
4
И така, може од нектарот на китките не лизнав
ама оттогаш племето како прв поет ме призна.
11.07.2011 16:53 -
Жетварски сонет
1
Да требаше стиховите да се засејуваат првин,
во земја разофкана да станат мој орочен влог,
за по многу додолење и страв од птици и црви,
со потен срп, во снопја да ги наредам во стог;
2
па да требаше потем со волови да ги вршам,
и ветрот да го молам да одвои зрна од плева
за сомлени, како млазови брашно да свршат
во тестен бунт што квасецот бањат го крева;
3
и, конечно, да требаше стиховите да се печат,
да станат пуфлест и крцкав читателски леб -
не верувам дека ќе можеа поет да ме речат
зашто сето тоа не е играчка со џамлии в џеб.
4
Сите мои песни ќе останеле ненапишани,
а слепилото во мене задоволно ќе нишани.
Да требаше стиховите да се засејуваат првин,
во земја разофкана да станат мој орочен влог,
за по многу додолење и страв од птици и црви,
со потен срп, во снопја да ги наредам во стог;
2
па да требаше потем со волови да ги вршам,
и ветрот да го молам да одвои зрна од плева
за сомлени, како млазови брашно да свршат
во тестен бунт што квасецот бањат го крева;
3
и, конечно, да требаше стиховите да се печат,
да станат пуфлест и крцкав читателски леб -
не верувам дека ќе можеа поет да ме речат
зашто сето тоа не е играчка со џамлии в џеб.
4
Сите мои песни ќе останеле ненапишани,
а слепилото во мене задоволно ќе нишани.
07.07.2011 09:40 -
600.000 стихови
1
За демократичност на мојата поетска кауза
се пишав член на организирана хаику-хајка:
таму ловот на метафори правилно е зауздан
и со послушност се прави кариера од бајка.
2
Многу не бараа, сал на два сонети избирачи
со ветувања стално да им ги полнам торбите:
хајката да ни победи и да пишува прирачник
за друг да не ни се меша во стихотворбите.
3
Но, посакав во повисоки кругови да влезам,
таму каде инспирацијата се дели со шлепери:
морав да заглавам во јарем од менична реза,
за шестотиниилјади стихови умов ми трепери.
4
Меницата јас како патриотска дика ја сфатив
а и подобро ми е одошто кога лепев плакати.
За демократичност на мојата поетска кауза
се пишав член на организирана хаику-хајка:
таму ловот на метафори правилно е зауздан
и со послушност се прави кариера од бајка.
2
Многу не бараа, сал на два сонети избирачи
со ветувања стално да им ги полнам торбите:
хајката да ни победи и да пишува прирачник
за друг да не ни се меша во стихотворбите.
3
Но, посакав во повисоки кругови да влезам,
таму каде инспирацијата се дели со шлепери:
морав да заглавам во јарем од менична реза,
за шестотиниилјади стихови умов ми трепери.
4
Меницата јас како патриотска дика ја сфатив
а и подобро ми е одошто кога лепев плакати.
06.07.2011 20:34 -
Кучешка нафора
1
Ловев во најтемната шума на мојата фантазија
барав метафора за невиноста да ѝ ја скинам,
порно-стар да бидам на поетските безобразија,
принц-дефлоратор по кого поетесите слинат.
2
Но си што патем ми текна беше веќе купено
од Петрарка, Шекспир, Гонгора или Лорка,
од глината па до ѕвездите, си беше издупено,
од преџвакувања, не останала ни мала корка.
3
Штрекнувајќи ме од соништата на таа шума,
квичење жалосно допре од комшискиот пес:
со многу удари со парче црево од тврда гума
соседот си го смируваше господарскиот бес.
4
И ете, соседот душмански ми роди метафора -
тепањето беше причесна со кучешка нафора.
Ловев во најтемната шума на мојата фантазија
барав метафора за невиноста да ѝ ја скинам,
порно-стар да бидам на поетските безобразија,
принц-дефлоратор по кого поетесите слинат.
2
Но си што патем ми текна беше веќе купено
од Петрарка, Шекспир, Гонгора или Лорка,
од глината па до ѕвездите, си беше издупено,
од преџвакувања, не останала ни мала корка.
3
Штрекнувајќи ме од соништата на таа шума,
квичење жалосно допре од комшискиот пес:
со многу удари со парче црево од тврда гума
соседот си го смируваше господарскиот бес.
4
И ете, соседот душмански ми роди метафора -
тепањето беше причесна со кучешка нафора.
05.07.2011 22:52 -
Задоцнета романса
1
Таа во шишенца монистрени солзи собирала
и за секоја, срцевнушителна песна напишала;
гламњи недогорени во болеро оркестрирала -
затоа саатите за неа ги забавија своите нишала.
2
Душата си ја извлачила во пајажинеста кадела,
за стиховен иконостас на црквата своја да сплете;
со чингалакија од срцето котелците ги вадела -
затоа на душата нејна пат без патарина ѝ е ветен.
3
Тој цел живот млеко даваше обилно ама риташе
и сал мајката на неговите деца успеа маја да земе;
делата свои тресалиски со пишманлак ги иташе -
затоа под старост стана дел од паразитско племе.
4
Нејзиниот грст солзи му го расцути рамото спурено
а тој ѝ врати со шише спомени за млекото истурено.
Таа во шишенца монистрени солзи собирала
и за секоја, срцевнушителна песна напишала;
гламњи недогорени во болеро оркестрирала -
затоа саатите за неа ги забавија своите нишала.
2
Душата си ја извлачила во пајажинеста кадела,
за стиховен иконостас на црквата своја да сплете;
со чингалакија од срцето котелците ги вадела -
затоа на душата нејна пат без патарина ѝ е ветен.
3
Тој цел живот млеко даваше обилно ама риташе
и сал мајката на неговите деца успеа маја да земе;
делата свои тресалиски со пишманлак ги иташе -
затоа под старост стана дел од паразитско племе.
4
Нејзиниот грст солзи му го расцути рамото спурено
а тој ѝ врати со шише спомени за млекото истурено.
05.07.2011 02:57 -
Клетварска поезија
1
Примамливо и правосудно е клетва да се фрли
против туѓата небрежност што те јадосала;
та, клетвени книги напишаа пророците врли
за Израилот спрема Бога да биде посалам.
2
Но, сал навидум клетвата олеснување дава,
а всушност сведочи за твојата душа свилена;
свикнат на колнење, човекот на омраза јава
и постепено паранојата ќе му стане омилена.
3
Ако медот имаше звук, ќе беше како клетва,
за на колначот јадот полесно да му мине
а колнатиот да не ја прими ко лоша жетва
туку благост извинувачка од него да зине.
4
Не давај кон клетва јадот твој да те спотина,
не турај го умот во јаремот на таа гиљотина.
Примамливо и правосудно е клетва да се фрли
против туѓата небрежност што те јадосала;
та, клетвени книги напишаа пророците врли
за Израилот спрема Бога да биде посалам.
2
Но, сал навидум клетвата олеснување дава,
а всушност сведочи за твојата душа свилена;
свикнат на колнење, човекот на омраза јава
и постепено паранојата ќе му стане омилена.
3
Ако медот имаше звук, ќе беше како клетва,
за на колначот јадот полесно да му мине
а колнатиот да не ја прими ко лоша жетва
туку благост извинувачка од него да зине.
4
Не давај кон клетва јадот твој да те спотина,
не турај го умот во јаремот на таа гиљотина.
Търсене
За този блог
Гласове: 502
Блогрол
1. Спомен за Ева Звездева
2. Мои препеви на сите 154 сонети на Шекспир, pdf.,формат А4, 39 страници
3. Мојата стихозбирка “Бегајќи од трпезата на моите црвци“ ги содржи и моите препеви на сите 154 сонети на Шекспир
4. Мојата стихозбирка “Со рими клоцнат Буковски“ ги содржи и моите преводи и препеви на 75 песни на Чарлс Буковски
5. Мојата стихозбирка “Аферата Неруда“ ги содржи и моите римувани препеви на 100 сонети за љубовта од Пабло Неруда
6. Мојата збирка раскази “Помилуваниот владика“
7. Мојата стихозбирка “Ловејќи ја душата на Висоцки“ ги содржи и моите препеви на 60 песни на Владимир Висоцки
8. Моето досегашно творештво собрано накуп
2. Мои препеви на сите 154 сонети на Шекспир, pdf.,формат А4, 39 страници
3. Мојата стихозбирка “Бегајќи од трпезата на моите црвци“ ги содржи и моите препеви на сите 154 сонети на Шекспир
4. Мојата стихозбирка “Со рими клоцнат Буковски“ ги содржи и моите преводи и препеви на 75 песни на Чарлс Буковски
5. Мојата стихозбирка “Аферата Неруда“ ги содржи и моите римувани препеви на 100 сонети за љубовта од Пабло Неруда
6. Мојата збирка раскази “Помилуваниот владика“
7. Мојата стихозбирка “Ловејќи ја душата на Висоцки“ ги содржи и моите препеви на 60 песни на Владимир Висоцки
8. Моето досегашно творештво собрано накуп