1
Неруда, на страдна сонетна заблуда ти си име,
квасец си за мојот тестис мозочен да брекне
па сѐ што ќе породам да остане како пример
за радост кога твојта мисла во рими ќе екне.
2
Погрешно си знаел дека поетите од сето време
рими наоѓале сал за отменоста да им е мадра:
каменокршачки се тие на мозок кој е спремен
ѓеврекот на анархијата да го стисне во квадрат.
3
Тој напор крека со басови на сусамлии жаби
на гозба сред ројот комарци во пијана журка:
писокот на зурлата во синапсите угоре длаби
за како црцорец да првне и по небо да нурка.
4
Ти на шпански нѐ благослови со сонетна проза
што но македонски ќе реже ко римувана боза!