1
Примамливо и правосудно е клетва да се фрли
против туѓата небрежност што те јадосала;
та, клетвени книги напишаа пророците врли
за Израилот спрема Бога да биде посалам.
2
Но, сал навидум клетвата олеснување дава,
а всушност сведочи за твојата душа свилена;
свикнат на колнење, човекот на омраза јава
и постепено паранојата ќе му стане омилена.
3
Ако медот имаше звук, ќе беше како клетва,
за на колначот јадот полесно да му мине
а колнатиот да не ја прими ко лоша жетва
туку благост извинувачка од него да зине.
4
Не давај кон клетва јадот твој да те спотина,
не турај го умот во јаремот на таа гиљотина.