1
Шеесет и третата година еве ја кај заминува,
слепото кутре на судбината ја скри во трапот;
иако незрела, подземниот поп ми ја аминува,
без фискална и од страв да не го крка стапот.
2
Зашто, ако е за праведен поредок во светот,
за мене се шири не баш поволно сведение:
многумина се жалат сум ги сопнал во летот,
не покажувам успех и примерно поведение.
3
Како таков на поправки би требало да одам,
мене годините треба бар двојно да ми траат,
оставач да ми е титулата, угледот гола вода,
а не државата да ми плаќа да уживам во раат.
4
Светов нема надеж за своето подобро утре -
со неговата судбина управува слепото кутре.

Евала ти чиним!

Еве уште една моја песна за слепото кутре:

СЛЕПО КУТРЕ

Posted by lupcobocvarov on март 16, 2008



Намерите не ми биле чесни -

лага е на стравот, твој тутор!

Зар ќе затрудниш од песни

ако ти ги шепнам во скутот?



Зошто сомнеж за како ќе биде

го кочи кон мене твојот чекор?

Распни го како трофеј ѕиден

тој жежок вршник од прекор!



За нас е предвидена нова ера

во која господ е слепото кутре

што од моите излитени Вчера

ќе ти скрпи едно половно Утре.

,,За нас е предвидена нова ера

во која господ е слепото кутре

што од моите излитени Вчера

ќе ти скрпи едно половно Утре."

Хареса ми!