Прочетен: 480 Коментари: 0 Гласове:
Последна промяна: 14.07.2012 10:40
Подолу во ходникот живее госпоѓа која слика пеперутки и инсекти и нејзината соба е полна мали статуи, работи со глина. Кога ја посетив, седев на каучот и пиев нешто и забележав дека една статуа ни е свртена со грбот, стоеше загубен, како некој загубен никаквец и јас ја прашав дамата што е работата со него и таа ми рече: “Предниот дел многу невешто го стокмив“./ “Сфаќам, вие немате многу искуство со мажите “, реков и си го испив пијалокот. Таа се насмеа и ми донесе нов пијалак, разговаравме за Кле, за смртта на Камингс, за уметноста, за како да се преживее и така натаму. “Вие би требало подобро да ги познавате мажите“ реков јас. “Знам“, рече таа.“Ви се допаѓам ли?“/ “Секако“, реков јас. Ми донесе нов пијалак. Разговаравме за Езра Паунд, за Ван Гог, за сите тие работи. Таа седна до мене. Се сеќавам дека имаше мали бели мустачиња. Таа ми рече дека изгледам силен и мажјачки. Јас и вратив дека има убави нозе. Разговаравме за Малер. Не помнам кога сум си отишол.
Ја видов повторно по една седмица и таа ме повика да влезам кај неа. “Го средив!“, рече таа. “Кого?“ прашав јас. “Својот човек во аголот!“ одговори таа.
2. Мои препеви на сите 154 сонети на Шекспир, pdf.,формат А4, 39 страници
3. Мојата стихозбирка “Бегајќи од трпезата на моите црвци“ ги содржи и моите препеви на сите 154 сонети на Шекспир
4. Мојата стихозбирка “Со рими клоцнат Буковски“ ги содржи и моите преводи и препеви на 75 песни на Чарлс Буковски
5. Мојата стихозбирка “Аферата Неруда“ ги содржи и моите римувани препеви на 100 сонети за љубовта од Пабло Неруда
6. Мојата збирка раскази “Помилуваниот владика“
7. Мојата стихозбирка “Ловејќи ја душата на Висоцки“ ги содржи и моите препеви на 60 песни на Владимир Висоцки
8. Моето досегашно творештво собрано накуп