1
Тишината е жена-неротка, самата на себе згода,
она е шведска маса за која стрвен маж се гребе:
не ја сетила среќната смрдеа од плодовата вода,
не се карминисала за навек со слуз од свое бебе.
2
Нејзина главна занимација е коса да си вапсува,
а мажот ја има утехата дека не мора да се стега:
ако е поет, млитаво ќе ја ора, во неа ќе папсува,
од бесплодноста, ѓоа во нирвана, во неа ќе бега.
3
Таа е кралица во замјата на прочуеното Ништо,
поданици ѝ се претурачи од шупливо во празно,
во двобојот со нив не мора да извадиш пиштол,
доволни се ритам и рими што се лизгаат мазно.
4
Многу поети ја фалат како генератор на чудата
а јас ја почитувам само како мајка на заблудата.